Saath Rooti Thi Mere Saath Hansa Karti Thi,
Wo Larki Jo Mere DiL Mei Basa Karti Thi.

Meri Chahat Ki Talabgar Thi Is Darjgha Kay,
Wo Musalley Pay Namazon Mei Duaa Karti THi.

Ek Lamhey Ka Bicharna Bhi Giran Tha USko,
Rootey Huwe Mujhko Khud Se Juda Karti Thi.

Mere Dil Mei Raha Karti Thi Dhadkan Ban Kar,
Or Saaye Ki Tarha Saath Raha Karti Thi.

Rog Dil Ko Laga Bethi Anjaney Mei,
Meri Aaghosh Mei Marne Ki Duaa Karti Thi.

Baat Qismat Ki Hai Sirf Juda Ho Gaey Hum,
Warna Wo Toh Mujhey Taqdeer Kaha Karti Thi..

tweet this page ;)

bahut pahale se un qadamon kii aahaaT jaan lete hein
tujhe ai zindagii ham duur se pahachaan lete hein

merii nazarein bhii aise qaatilo'n kaa jaan-o-imaaN hai
nigaahein milate hii jo jaan aur imaan lete hein

tabiyat apanii ghabaraatii hai jab sun-saan raaton mein
ham aise mein terii yaadon kii chaadar taan lete hein

Khud apanaa faisalaa bhii ishq mein kafii nahii hotaa
use bhii kaise kar guzaren jo dil mein Thaan lete hein

jise suurat bataate hein pataa detii hai siirat kaa
ibaarat dekh kar jis tarahaa maanii jaan lete hein

tujhe ghaaaaTaa na hone deinge kaarobaar-e-ulfat mein
ham apane sar teraa ai dost har ehasaan lete hein

hamaarii har nazar tujhase nayii saugandh khaatii hai
to terii har nazar se ham nayaa paiGhaam lete hein

'Firaq' aksar badal kar bhes milataa hai ko_ii qaafir
kabhii ham jaan lete hein kabhii pahachaan lete hein

tweet this page ;)

BaiTh jaataa huuN jahaaN chaaNv ghanii hotii hai
haaye kyaa cheez Ghareeb-ul-vatanii hotii hai

Din ko ek nuur barasataa hai merii turbat par
Raat ko chaadar-e-mahataab tanii hotii hai

luT gayaa vo tere kuuche mein rakhaa jis ne qadam
is tarah kii bhii kaheen raah_zanii hotii hai

hijer mein zahar hai saaGar kaa lagaanaa muuNh se
may kii jo buuNd hai hiiron kii kanii hotii hai

maikashon ko na kabhii fikr-e-kam-o-besh hu_ii
aise logon kii tabiiyat bhii Ghanii hotii hai

huuk uThatii hai agar zabt-e-fuGhaaN kartaa huuN
saaNs rukatii hai to barchhii kii anii hotii hai

pii lo do ghuuNT ki saaqii kii rahe baat "Hafeez"
saaf inkaar mein Khaatir-shikanii hotii hai

tweet this page ;)

Hatheli samnay rakhna, Khub Aansoo girana is mein

Jo Ruk Jaye ga honto pay, Samjh jana kay wo Hum hain

Kabhi jo Chand ko daikho to zara youn Muskara daina

Jo chal jaye hawa thandi to Ankhain band kar laina

Jo jhunka taiz ho sab say, Samajh jana kay who Hum hain

Ziada yaad aaon main to Roo laina ji bhar kay

Agar hichki koi aye to, Samjh jana kay who Hum hian

Agar tum bhulana chaho gay to shaid bhula do tum

Magar jab saans laina, to samjh jana kay who Hum hain

tweet this page ;)

Door se aaye thhey saaqi sun ke maikhaane ko hum
bas taraste hi chale afsos paimaane ko hum

may bhi hai meena bhi hai saagar bhi hai saaqi nahi'n
dil mein aata hai lagaa dein aag maikhaane ko hum

hum ko fasaana tha qafaz mein kya gila sayyaad ka
bas taraste hi rahe hain aab aur daane ko hum

baag mein lagta nahi'n sehra mein ghabraata hai dil
ab kahaan le jaake baithein aise deewane ko hum

kya huee taqseer hum se tu bata de ae 'Nazeer'
taaki shaadi marg samajhein aise mar jaane ko hum.

tweet this page ;)