Wo jo Khud Pairvi-e-Ahle-e-Wafa karti thi..
Mujhse milti thi tou talqeen-e-Wafa karti thi.../

Us ke damaan mein koi phool nahi mere liye..
Jo meri tangi-e-Daaman ka gila karti thi.../

Aaj jo usko bulaya tou wo gumsum hi rahi..
Dil dharakney tak ki awaaz jo suna karti thi.../

Aaj wo meri har ek baat k ma'ene pochti hai..
Jo meri soch ki tahreer likha karti thi.../

Usko ehsaas dilaya tou wo milti hi nahi..
Ajnabi thi tou roz mila karti thi.../

Us ki dahleez pe sadiyon se khara hon main..
Jo mujh se milney k lamhaat gina karti thi.../

tweet this page ;)